ᱟᱭᱳ ᱠᱩᱠᱷᱤ ᱨᱮᱹᱧ ᱛᱟᱦᱮᱸ ᱠᱟᱱ
ᱩᱱ ᱦᱚᱸᱧ ᱛᱟᱲᱟᱢ ᱞᱮᱫ ᱜᱮ
ᱞᱮᱵᱮᱫ ᱞᱟᱹᱜᱤᱫ ᱫᱷᱟᱹᱨᱛᱤ ᱫᱷᱩᱲᱤ,
ᱵᱩᱥᱟᱹᱲ ᱵᱟᱹᱱᱩᱜ ᱢᱮᱫ ᱛᱮᱦᱚᱸ
ᱧᱮᱧᱮᱞ ᱞᱟᱹᱜᱤᱫ ᱤᱧ ᱛᱟᱺᱜᱤ ᱛᱟᱬᱟᱜ ᱞᱮᱱ
ᱞᱮ~ᱞᱮᱝᱜᱮᱫ ᱫᱷᱟᱹᱨᱛᱤ ᱫᱷᱩᱲᱤ ᱾
ᱟᱭᱳ ᱠᱩᱠᱷᱤ ᱠᱷᱚᱱᱤᱧ ᱯᱷᱩᱨᱜᱟᱹᱞ ᱮᱱᱟ
ᱫᱷᱟᱹᱨᱛᱤ ᱫᱷᱩᱲᱤᱧ ᱞᱮᱵᱮᱫ ᱠᱮᱫ-ᱟ
ᱵᱟᱹᱭ ᱵᱟᱹᱭ ᱛᱮ ᱢᱮᱫ ᱤᱧ ᱵᱩᱥᱟᱹᱲ
ᱤᱧᱟᱜ ᱢᱮᱫ ᱛᱮ ᱫᱷᱟᱹᱨᱛᱤ ᱤᱧ ᱢᱟ
ᱦᱟᱦᱟᱲᱟ ᱜᱮᱧ ᱧᱮᱞ
ᱢᱚᱱᱮᱧ ᱢᱮᱱ ᱟᱱᱟ ᱞᱮᱞᱮᱝᱜᱮᱫ
ᱫᱷᱟᱹᱨᱛᱤᱧ ᱦᱮᱡ ᱟᱠᱟᱱ
ᱦᱩᱞᱟᱹᱥ ᱦᱩᱞᱟᱹᱝ ᱡᱚᱝ ᱟᱹᱧ ᱾
ᱩᱭᱦᱟᱹᱨ ᱦᱮᱡ ᱟᱹᱫᱤᱧ ᱢᱚᱱᱮᱨᱮ
ᱵᱟᱢ ᱦᱮᱡ ᱟᱠᱟᱱ ᱛᱟᱦᱮᱸᱱ ᱱᱚᱰᱮ
ᱟᱢ ᱢᱮᱱᱟᱢ ᱱᱤᱛ ᱦᱚᱸ ᱛᱟᱲᱟᱢ ᱦᱚᱨ ᱨᱮ,
ᱛᱟᱲᱟᱢ ᱟᱠᱟ ᱜᱮᱢ ᱛᱟᱦᱮᱸᱱ
ᱞᱟᱲᱟᱣ ᱟᱠᱟ ᱜᱮᱢ ᱛᱟᱦᱮᱸᱱ
ᱟᱢ ᱫᱚ ᱜᱷᱟᱱᱮᱢ ᱛᱟᱦᱮᱸᱱ
ᱱᱚᱰᱮ ᱠᱷᱚᱱ ᱨᱩᱣᱟᱹᱲ ᱥᱮᱱᱚᱜ ᱦᱚᱨ ᱨᱮ ᱾
ᱥᱟᱹᱜᱟᱹᱭ ᱞᱮᱠᱟᱱ ᱞᱮᱠᱟᱱ
ᱛᱟᱲᱟᱢ ᱦᱚᱨ ᱨᱮ ᱟᱢᱮᱢ ᱥᱟᱢᱟᱝ
ᱢᱟᱭᱟᱢ ᱛᱮ ᱛᱚᱞ ᱥᱟᱹᱜᱟᱹᱭ
ᱢᱚᱱᱛᱮ ᱵᱟᱜᱟᱱ ᱥᱟᱹᱜᱟᱹᱭ
ᱛᱟᱲᱟᱢ ᱦᱚᱨ ᱨᱮ ᱚᱱᱟ
ᱞᱮᱛᱟᱲ ᱵᱚᱫᱚᱞ ᱤᱫᱤᱜ
ᱥᱟᱶ ᱨᱮᱫᱚ ᱚᱠᱟ ᱦᱚᱸ ᱵᱟᱝᱜᱮᱢ ᱤᱫᱤ ᱾
ᱥᱟᱹᱜᱟᱹᱭ ᱫᱚ ᱱᱚᱝᱠᱟᱱ
ᱢᱤᱫ ᱰᱚᱸᱰᱮᱠ ᱫᱩᱞᱟᱹᱲ ᱢᱟᱭᱟ ᱠᱟᱱ
ᱛᱟᱲᱟᱢ ᱦᱚᱨ ᱨᱮ ᱟᱯᱟᱱ ᱟᱹᱯᱤᱱ
ᱟᱢ ᱪᱚᱢ ᱢᱟᱲᱟᱝ ᱤᱧ ᱪᱚᱝ ᱛᱟᱲᱟᱢ
ᱮᱠᱞᱟᱢ ᱛᱟᱲᱟᱢ ᱛᱟᱲᱟᱢ ᱦᱚᱨ ᱨᱮ
ᱵᱟᱝ ᱠᱚ ᱛᱟᱦᱮᱸᱱ ᱛᱤᱥ ᱦᱚᱸ
ᱚᱠᱚᱭ ᱦᱚᱸ ᱟᱢ ᱥᱩᱨ ᱨᱮ ᱾
ᱚᱱᱟᱛᱮ ᱚᱠᱛᱚ ᱟᱞᱚᱢ ᱚᱪᱚᱭ ᱯᱚᱞᱚᱢ
ᱠᱩᱨᱩᱢᱩᱴᱩ ᱨᱮ ᱟᱞᱚᱢ ᱵᱤᱞᱚᱢ
ᱥᱟᱶᱛᱟᱨᱤ ᱡᱟᱱᱣᱟ ᱠᱟᱱᱟᱢ
ᱥᱟᱶᱛᱟ ᱞᱟᱹᱜᱤᱫ ᱱᱟᱥᱮ ᱠᱟᱹᱢᱤ
ᱚᱠᱛᱚ ᱟᱞᱚᱢ ᱞᱚᱴᱚᱢ ᱾
ᱟᱢ ᱫᱚᱢ ᱢᱟᱹᱢᱱᱤ ᱠᱟᱱᱟ
ᱢᱤᱫ ᱥᱚᱨᱮᱥ ᱡᱤᱣᱤ ᱥᱟᱶ
ᱫᱷᱟᱹᱨᱛᱤ ᱨᱮᱢ ᱟᱢᱮᱴ
ᱟᱠᱟᱫ ᱞᱟᱯᱷᱟᱝ ᱴᱷᱟᱶ
ᱦᱤᱸᱥᱟᱹᱥᱩᱭᱟᱹ ᱛᱮ ᱥᱟᱱᱟᱢ
ᱚᱠᱛᱚ ᱟᱞᱚᱢ ᱠᱷᱮᱢᱟᱣ
ᱵᱮᱨᱛᱷᱟ ᱡᱤᱭᱚᱱ ᱟᱞᱚᱢ ᱥᱟᱦᱟᱣ ᱾
ᱠᱟᱹᱢᱤ ᱜᱚᱫᱽ ᱢᱮ ᱚᱱᱠᱟᱱ
ᱢᱤᱫ ᱵᱟᱨ ᱠᱟᱹᱢᱤ
ᱡᱟᱦᱟᱸ ᱫᱚ ᱧᱮᱞᱚᱜ
ᱦᱚᱲᱟᱜ ᱢᱮᱫ ᱛᱮ ᱫᱟᱢᱤ
ᱢᱮᱱᱟᱢ ᱟᱢ ᱫᱚ ᱨᱩᱣᱟᱹᱲ ᱦᱚᱨ ᱨᱮ
ᱟᱞᱚᱢ ᱤᱫᱤ ᱥᱟᱱᱟᱢ ᱥᱟᱶ ᱨᱮ
ᱢᱤᱫ ᱵᱟᱨ ᱚᱱᱠᱟ ᱚᱴᱚᱭ ᱢᱮ ᱠᱟᱹᱢᱤ
ᱡᱟᱦᱟᱸ ᱫᱚ ᱡᱤᱣᱤᱫ ᱛᱟᱦᱮᱸᱱ ᱥᱟᱶᱛᱟ ᱨᱮ
ᱪᱮᱫᱟᱜ ᱪᱮ
ᱟᱢ ᱫᱚ ᱢᱮᱱᱟᱢ ᱛᱟᱲᱟᱢ ᱦᱚᱨ ᱨᱮ
ᱜᱷᱟᱱᱮ ᱜᱮ ᱨᱩᱣᱟᱹᱲ ᱦᱚᱨ ᱨᱮ ᱾
