ᱟᱢᱟᱜ ᱥᱤᱵᱤᱞ ᱨᱚᱲ ᱛᱮ ᱥᱮ
ᱟᱢᱟᱜ ᱢᱳᱦᱚᱨ ᱢᱚᱸᱦᱰᱟ ᱛᱮ
ᱟᱸᱫᱷᱟ ᱞᱮᱱ ᱪᱷᱟᱸᱫᱟ ᱞᱮᱱ ᱢᱚᱱᱮ,
ᱱᱚᱶᱟ ᱵᱟᱞᱚᱠ ᱢᱚᱱᱮ ᱨᱤᱫᱟ.ᱭ ᱠᱚᱪᱟᱨᱮ
ᱛᱤᱥ ᱨᱮᱪᱚᱢ ᱵᱟᱥᱟ ᱩᱠᱩ ᱞᱮᱱ ᱛᱟᱸᱦᱮᱫ
ᱦᱮᱸᱪᱚᱸᱝ…….,
ᱩᱭᱦᱟ.ᱨ ᱦᱤᱡᱩᱜ ᱠᱟᱱᱟᱢ
ᱜᱷᱟᱱᱮᱼᱜᱷᱟᱱᱮ ᱾᱾

ᱧᱟᱯᱟᱢ ᱢᱟ ᱵᱟ.ᱧ ᱧᱟᱯᱟᱢ ᱟᱠᱟᱱ
ᱚᱱᱠᱟᱱ ᱱᱤᱪᱚᱞ ᱱᱤᱪᱷᱟ.ᱴ ᱚᱠᱛᱚ ᱨᱮ
ᱪᱮᱫ ᱪᱚᱧ ᱞᱟ.ᱭᱟᱢ ᱠᱮᱭᱟ
ᱦᱮᱸᱪᱚᱝ……..,
ᱚᱱᱟᱧ ᱵᱷᱟ.ᱛ ᱵᱷᱟᱵᱽᱱᱟᱜ
ᱠᱟᱱ,
ᱛᱤᱥᱪᱚ ᱛᱟᱠᱚᱜ ᱚᱱᱟ ᱚᱠᱛᱚ
ᱟᱢ ᱥᱟᱶ ᱧᱟᱯᱟᱢ ᱞᱟ.ᱜᱤᱫᱼᱤᱧ
ᱤᱠᱤᱞᱼᱥᱤᱠᱤᱞ ᱪᱟᱵᱟᱜ ᱠᱟᱱ ᱾᱾

ᱛᱮᱨᱟᱝ ᱦᱟᱵᱟᱜ ᱢᱚᱱᱮ ᱥᱟᱨ ᱛᱤᱧ
ᱦᱟᱵᱟᱜ ᱨᱮᱜᱮ ᱢᱮᱱᱟᱧ ᱛᱟᱬᱟᱜ
ᱛᱟ.ᱝᱜᱤ ᱨᱮ,
ᱯᱟᱨᱚᱢ ᱪᱟᱞᱟᱜᱼᱟᱢ ᱛᱤᱥ
ᱱᱚᱶᱟ ᱦᱚᱨ ᱛᱮ,
ᱢᱤᱫ ᱫᱚᱢ ᱛᱮᱫ ᱢᱚᱱᱮ ᱵᱟᱰᱟᱭ ᱠᱟᱛᱮ
ᱦᱤᱡᱩᱜ ᱢᱮ ᱟᱞᱮ ᱠᱚᱨᱚᱸᱧ ᱠᱩᱞᱦᱤ ᱛᱮ
ᱯᱷᱮᱫ ᱫᱚᱸᱧ ᱯᱷᱮᱫᱼᱟᱢ ᱜᱮᱭᱟ
ᱢᱚᱱᱮ ᱥᱟᱨ ᱛᱮ ᱾᱾

ᱢᱚᱱᱮ ᱨᱮᱢ ᱪᱷᱟ.ᱯᱤᱛ ᱟᱠᱟᱱ ᱠᱷᱟᱱ
ᱡᱟᱸᱦᱟᱸ ᱛᱤᱥ ᱵᱟᱝ ᱡᱟᱸᱦᱟᱸ ᱛᱤᱥᱼᱤᱧ
ᱧᱟᱯᱟᱢ ᱢᱮᱛᱤᱧ ᱞᱟ.ᱭᱟᱢ ᱜᱮᱭᱟ
ᱤᱧᱟᱜ ᱩᱭᱦᱟ.ᱨ ᱵᱷᱟᱵᱽᱱᱟ
ᱠᱟᱛᱷᱟ,
ᱤᱧ ᱠᱷᱚᱱ ᱪᱷᱟ.ᱯᱤᱛ ᱨᱮ ᱟᱞᱚᱢ
ᱛᱟᱸᱦᱮᱸᱱᱟ
ᱠᱤᱨᱟ.ᱧ ᱫᱚᱦᱚ ᱠᱮᱫᱼᱟ ᱵᱟᱝᱠᱷᱟᱱ
ᱠᱩᱠᱢᱩ ᱛᱮᱚᱸᱧ ᱤᱛᱩᱫ ᱥᱟ.ᱨᱤᱭᱟ
ᱢᱟ ᱾᱾