ᱫᱷᱚᱨᱚᱢᱟᱜ ᱛᱷᱩᱢ ᱛᱮ
ᱚᱠᱛᱚ ᱨᱮᱱᱟᱝ ᱜᱩᱨᱞᱟᱹᱣ ᱦᱚᱭ ᱛᱮ
ᱢᱟᱹᱱᱢᱤ ᱡᱤᱣᱤ ᱡᱟᱱᱟᱢ
ᱫᱷᱩᱲᱤ ᱫᱷᱟᱹᱨᱛᱤ ᱨᱮ ᱾
ᱟᱞᱚᱢ ᱧᱤᱨᱟ ᱡᱤᱣᱤ
ᱟᱞᱚᱢ ᱜᱩᱡᱩᱜ ᱡᱤᱣᱤ ᱱᱚᱣᱟ ᱡᱤᱣᱤ
ᱡᱤᱵᱚᱱ ᱵᱟᱹᱱᱩᱜ ᱟᱱᱟᱝ ᱾
ᱡᱤᱣᱤ ᱫᱚ ᱦᱚᱭ ᱞᱮᱠᱟ
ᱦᱚᱲᱢᱚ ᱦᱟᱥᱟ ᱞᱮᱠᱟ
ᱦᱤᱭ ᱡᱤᱣᱤ ᱦᱟᱥᱟ ᱦᱚᱲᱢᱚ
ᱫᱷᱟᱨᱛᱤ ᱫᱷᱩᱲᱤ ᱨᱮ ᱢᱮᱴᱟᱣᱜ
ᱫᱷᱟᱹᱨᱛᱤ ᱠᱷᱮᱞᱚᱸᱰ ᱟᱠᱷᱲᱟ
ᱟᱢ ᱫᱚ ᱡᱤᱣᱤ ᱠᱷᱮᱞᱚᱸᱰᱤᱭᱟᱹ
ᱚᱠᱛᱚ ᱪᱟᱵᱟ ᱠᱟᱛᱮ ᱜᱮᱢ ᱩᱰᱟᱹᱣ ᱡᱚᱝ ᱾
ᱚᱠᱛᱚ ᱯᱷᱟᱹᱜᱩᱱ ᱵᱚᱸᱜᱟ ᱞᱮᱠᱟ
ᱡᱤᱣᱤ ᱠᱚᱭᱮᱞ ᱪᱮᱬᱮ ᱞᱮᱠᱟ
ᱚᱠᱛᱚ ᱡᱟᱹᱱᱤᱢ ᱠᱩᱦᱩ ᱡᱚᱝ ᱟ
ᱜᱚᱢᱦᱮᱲ ᱦᱚᱲᱢᱚ ᱩᱢᱩᱞ ᱨᱮ ᱾
ᱚᱠᱛᱚ ᱜᱮ ᱢᱟᱨᱟᱝ ᱟ
ᱚᱠᱛᱚ ᱡᱟᱹᱱᱤ ᱡᱤᱣᱤ ᱠᱷᱮᱢᱟᱣ ᱢᱮ
ᱚᱠᱛᱚ ᱦᱚᱸ ᱜᱩᱡᱩᱜ-ᱟ
ᱚᱠᱛᱚ ᱦᱚᱸ ᱧᱩᱢᱩᱜ-ᱟ
ᱫᱩᱞᱟᱹᱲ ᱜᱟᱛᱮ ᱦᱚᱸ ᱵᱟᱭ ᱛᱟᱺᱜᱤᱭᱟ ᱠᱟᱛᱷᱟ ᱮᱢ ᱠᱟᱛᱮ᱾
ᱵᱤᱨ ᱵᱟᱸᱴᱷᱟ ᱦᱚᱸ ᱵᱟᱭ ᱦᱩᱭ ᱠᱮᱭᱟ
ᱟᱹᱰᱤ ᱞᱮᱠᱟᱱ ᱜᱩᱱᱦᱟᱹ ᱠᱟᱛᱮ
ᱱᱚᱶᱟ ᱢᱚᱪᱟ ᱨᱮᱜᱮ ᱦᱚᱲ ᱞᱟᱸᱫᱽ ᱢᱮᱱᱟᱜ
ᱱᱚᱶᱟ ᱢᱚᱪᱟ ᱨᱮᱜᱮ ᱨᱟᱜ ᱨᱚᱲ ᱦᱚᱸ ᱢᱮᱱᱟᱜ
ᱱᱚᱶᱟ ᱡᱤᱣᱤ ᱨᱮᱜᱮ ᱜᱟᱛᱮ ᱢᱮᱱᱟᱭ
ᱱᱚᱶᱟ ᱢᱚᱱᱮ ᱨᱮᱜᱮ ᱵᱟᱹᱭᱨᱤ ᱦᱚᱸ ᱢᱮᱱᱟᱭ
ᱱᱚᱶᱟ ᱡᱤᱣᱤ ᱦᱚᱲᱢᱚ ᱨᱮᱜᱮ ᱫᱟᱲᱮ ᱢᱮᱱᱟᱜ
ᱱᱚᱶᱟ ᱡᱤᱣᱤ ᱦᱚᱲᱢᱚ ᱨᱮᱜᱮ ᱟᱲᱮ ᱢᱮᱱᱟᱜ
ᱵᱟᱹᱲᱤᱡ ᱩᱭᱦᱟᱹᱨ ᱛᱤᱥ ᱦᱚᱸ ᱵᱟᱭ ᱤᱠᱟᱹ ᱠᱮᱭᱟ
ᱡᱤᱣᱤ ᱡᱤᱵᱚᱱ ᱨᱮ ᱟᱹᱰᱤ ᱞᱮᱠᱟᱱ
ᱥᱟᱹᱨᱤ ᱩᱭᱦᱟᱹᱨ ᱦᱚᱸ ᱢᱮᱱᱟᱜ ᱜᱮᱭᱟ ᱾
ᱡᱤᱣᱤᱫ ᱟᱠᱟᱱ ᱨᱮᱜᱮ ᱡᱤᱣᱤ
ᱟᱯᱟᱱ ᱟᱠᱟᱱ ᱡᱤᱣᱤ
ᱟᱯᱱᱟᱨᱟᱜ ᱟᱹᱛ ᱨᱮᱫᱚ
ᱵᱟᱝ ᱛᱟᱦᱮᱸᱱ ᱜᱮᱭᱟ ᱾
***
