ᱥᱤᱥᱤᱨ ᱡᱟ.ᱣᱤᱡ ᱥᱤᱨᱡᱚᱱᱤᱭᱟ.
ᱦᱟᱦᱟᱲᱟ ᱜᱮᱛᱟᱢ ᱥᱤᱨᱡᱚᱱ;
ᱢᱟᱨᱟᱝ – ᱵᱩᱨᱩ ᱡᱟᱦᱮᱨ ᱟᱭᱚ
ᱟ.ᱵᱤᱱᱟᱜ ᱚᱱᱚᱞ ᱜᱚᱲᱦᱚᱱ |᱑|
ᱛᱚᱯᱚᱞ ᱥᱤᱠᱲᱤ ᱫᱩᱞᱟ.ᱲ ᱥᱟ.ᱜᱟ.ᱭ
ᱛᱤᱨᱤ-ᱡᱩᱨᱤ ᱢᱟᱭᱟ ᱢᱤᱞᱚᱱ;
ᱫᱷᱟ.ᱨᱛᱤ ᱫᱷᱩᱲᱤ ᱥᱮᱯᱮᱧ ᱞᱟ.ᱜᱤᱫ
ᱡᱟᱱᱟᱢ ᱤᱱᱟᱧ ᱠᱩᱲᱤ ᱦᱚᱯᱚᱱ |᱒|
ᱵᱩᱫᱷᱤ ᱫᱟᱲᱮ ᱧᱟᱢ ᱢᱟ.ᱧ
ᱥᱚᱡᱷᱮ ᱠᱚᱜ ᱢᱟ ᱚᱞᱚᱝ ᱞᱤᱠᱷᱚᱱ ;
ᱛᱷᱩᱢ ᱫᱟᱲᱮ ᱦᱚᱸ ᱧᱟ-ᱢᱟ.ᱧ;
ᱥᱟ.ᱜᱩᱱᱚᱜ ᱢᱟ ᱚᱞᱚᱜ ᱯᱚᱲᱦᱚᱱ |᱓|
ᱦᱚᱭ ᱦᱤᱥᱤᱫ ᱡᱟᱸᱜᱮ ᱫᱟᱨᱟᱢ
ᱟᱞᱚ ᱛᱟᱦᱮᱸᱱ ᱢᱟ ᱡᱚᱞᱚᱱ;
ᱜᱩᱱ – ᱵᱤᱨᱫᱟ. ᱟᱪᱟᱨ – ᱵᱮᱵᱷᱟᱨ
ᱥᱮᱬᱟᱭ ᱢᱟ.ᱧ ᱟ.ᱰᱤ ᱞᱚᱜᱚᱱ |᱔|
ᱥᱚᱢᱟᱡᱽ ᱥᱟᱸᱣᱛᱟ ᱟᱨᱤ- ᱪᱟ.ᱞᱤ
ᱢᱮᱱᱟᱜ ᱟᱱᱟᱝ ᱛᱟᱵᱚ ᱪᱚᱞᱚᱱ;
ᱥᱟ.ᱜᱩᱱ ᱞᱚᱴᱟ ᱯᱮᱨᱮᱡ ᱥᱩᱯᱟ.ᱲᱤ
ᱱᱟᱣᱟ ᱯᱮᱲᱟ ᱦᱚᱸᱠᱚ ᱵᱚᱞᱚᱱ |᱕|
ᱜᱚᱲᱚᱢ ᱵᱟᱵᱟ – ᱜᱚᱲᱚᱢ ᱟᱭᱚ
ᱡᱷᱤ – ᱦᱟᱛᱚᱢ ᱥᱟ.ᱜᱟ.ᱭ ᱦᱚᱢᱚᱱ;
ᱪᱷᱩᱴᱟ.ᱣ ᱞᱮᱱᱟ ᱠᱚ ᱦᱟᱨᱟ ᱢᱟᱨᱟᱝ
ᱵᱟᱞᱮ ᱠᱮᱴᱮᱡ ᱮᱨ ᱚᱢᱚᱱ |᱖|
ᱩᱭᱦᱟ.ᱨ ᱦᱤᱡᱩᱜ ᱢᱮᱫᱟᱜ ᱡᱚᱨᱚᱜ
ᱚᱸᱛᱚᱨ ᱡᱤᱣᱤ ᱛᱟᱞᱟ ᱠᱷᱚᱱ ;
ᱫᱩᱣᱟ.ᱨ ᱡᱷᱤᱡᱩᱜ ᱯᱟᱴᱮᱫᱟᱜ ᱦᱚᱨᱚᱜ
ᱮᱴᱟᱜ ᱚᱲᱟᱜ ᱱᱚᱣᱟ ᱫᱷᱚᱱ !᱗|
***
