ᱢᱤᱫ ᱦᱩᱞ ᱛᱟᱦᱮᱸ ᱠᱟᱱᱟ,
ᱚᱱᱟ ᱫᱚ ᱑᱘᱕᱕ ᱥᱮᱨᱢᱟ ᱨᱮ ᱦᱩᱭ ᱞᱮᱱᱟ,
ᱡᱟᱦᱟᱸ ᱫᱚ ᱥᱟᱱᱛᱟᱲ ᱦᱩᱞ ᱢᱮᱛᱟᱜ ᱠᱟᱱᱟ,

ᱥᱤᱫᱩ ᱠᱟᱹᱱᱦᱩ,ᱪᱟᱸᱫᱽ,ᱵᱷᱟᱭᱨᱚᱵ,
ᱯᱷᱩᱞᱚ, ᱡᱷᱟᱱᱚ ᱛᱟᱠᱩᱣᱟ ᱞᱟᱦᱟᱱᱛᱤ,
ᱥᱤᱧᱚᱛ ᱫᱤᱥᱚᱢ ᱨᱮ ᱥᱟᱱᱛᱟᱲ ᱦᱩᱞ ᱡᱟᱱᱟᱢ ᱞᱤᱱᱟ,
ᱟᱭᱢᱟ ᱢᱟᱹᱱᱢᱤ ᱡᱤᱣᱤ ᱠᱚ ᱟᱞᱟᱭ ᱞᱤᱫᱟ,
ᱟᱹᱫᱤᱵᱟᱹᱥᱤᱭᱟᱜ ᱚᱥᱛᱤᱛᱣᱚ ᱡᱩᱜᱟᱣ ᱞᱟᱹᱜᱤᱫ,
ᱢᱟᱭᱟᱝ ᱟᱨ ᱢᱟᱭᱟᱝ ᱠᱚ ᱟᱹᱛᱩ ᱞᱤᱫᱟ,

ᱟᱹᱫᱤᱵᱟᱹᱥᱤᱭᱟᱜ ᱨᱟᱡᱽ ᱫᱚᱦᱚᱭ ᱞᱟᱹᱜᱤᱫ,
ᱟᱹᱰᱤ ᱥᱟᱥᱮᱫᱽ ᱥᱟᱦᱟᱣ ᱠᱟᱛᱮ,
ᱟᱹᱰᱤ ᱦᱟᱨᱠᱮᱛ ᱛᱮ ᱫᱟᱲᱮ ᱥᱟᱢᱴᱟᱣ ᱠᱟᱛᱮ,
ᱟᱹᱫᱤᱵᱟᱹᱥᱤ ᱟᱹᱫᱤᱵᱟᱹᱥᱤ ᱛᱤ ᱥᱟᱯᱟᱵᱽ ᱟᱛᱮ,
ᱵᱨᱤᱥᱴᱤᱥ ᱥᱟᱶᱠᱚ ᱛᱟᱯᱟᱢ ᱞᱮᱱᱟ ᱾

ᱵᱚᱭᱦᱟ ᱠᱚ,
ᱱᱤᱛ ᱦᱚᱸ ᱟᱹᱵᱩ ᱥᱚᱱᱛᱟᱲ ᱦᱩᱞ ᱡᱟᱱᱟᱢ ᱦᱩᱭ ᱟᱵᱩᱱᱟ,
ᱵᱚᱞᱼᱥᱚᱠᱛᱤ ᱨᱮᱱᱟᱜ ᱵᱟᱝ, ᱟᱹᱠᱤᱞ ᱜᱮᱭᱟᱱ ᱨᱮᱱᱟᱜ ᱦᱩᱞ,
ᱟᱹᱠᱤᱞ ᱦᱩᱫᱤᱥ ᱨᱮᱱᱟᱜ ᱥᱮᱸᱜᱮᱞ ᱡᱩᱞ ᱠᱟᱛᱮ,
ᱥᱟᱱᱟᱢ ᱵᱚᱭᱦᱟᱠᱚ ᱡᱩᱢᱤᱫ ᱠᱟᱛᱮ,
ᱫᱤᱥᱚᱢ ᱨᱮ ᱵᱩᱱ ᱞᱟᱦᱟᱜ ᱥᱟᱱᱛᱟᱲ,
ᱫᱤᱥᱚᱢ ᱨᱮ ᱵᱩᱱ ᱞᱟᱦᱟᱜ ᱥᱟᱱᱛᱟᱲ,
ᱟᱹᱠᱤᱞ ᱜᱮᱭᱟᱱ ᱛᱮᱵᱩᱱ ᱨᱟᱠᱟᱵᱼᱟ ᱥᱟᱱᱛᱟᱲ,
ᱡᱚᱛᱚ ᱡᱟᱭᱜᱟ ᱨᱮ ᱥᱮᱴᱮᱨᱚ ᱦᱩᱭᱩ ᱟᱵᱩᱱᱟ ᱥᱟᱱᱛᱟᱲ,
ᱫᱮᱻᱞᱟ ᱵᱩᱱ ᱵᱮᱨᱮᱫ ᱥᱟᱱᱛᱟᱲ,
ᱟᱹᱠᱤᱞ,ᱜᱭᱟᱱ ᱟᱨ ᱦᱩᱫᱤᱥ ᱨᱮᱱᱟᱜ ᱥᱮᱸᱜᱮᱞ ᱵᱩᱱ ᱡᱩᱞᱟ ᱾
***