ᱢᱤᱫᱴᱟᱝ ᱠᱟᱰᱮᱡ ᱟᱨ ᱜᱮᱞᱴᱟᱝ ᱠᱟᱰᱮᱡ
ᱛᱚᱯᱷᱟᱛ ᱡᱟᱦᱟᱸ ᱢᱮᱱᱟᱜ,
ᱡᱩᱢᱤᱫ ᱜᱮ ᱫᱟᱲᱮ
ᱫᱟᱲᱮᱜᱮ ᱫᱷᱚᱱ ᱥᱟᱣᱸᱨᱮ
ᱟᱯᱟᱥᱩᱞᱚᱜ ᱚᱱᱰᱮᱜᱮ ᱢᱮᱱᱟᱜ ।
ᱟ.ᱠᱤᱞ ᱵᱟᱝᱛᱮ
ᱟᱞᱚᱢ ᱠᱷᱟᱱᱰᱟᱣ ᱚᱠᱛᱚ
ᱦᱟᱴ ᱯᱟᱛᱟ ᱢᱟ.ᱱᱰᱤ ᱫᱟᱬᱟ,
ᱨᱚᱲ ᱯᱩᱥᱴᱟ.ᱣ ᱢᱮ
ᱟᱢᱟᱜ ᱚᱞ ᱥᱮᱬᱟᱭ ᱢᱮ
ᱟᱞᱚᱢ ᱛᱟᱦᱮᱱ ᱠᱟᱬᱟ।
ᱨᱟᱡ ᱟ.ᱨᱤᱨᱮ ᱨᱟᱡᱢᱮ
ᱮᱱᱮᱡ ᱥᱮᱨᱮᱸᱡᱨᱮ ᱢᱚᱡ
ᱨᱩᱻᱚᱨᱚᱝ ᱡᱚᱝ ᱢᱮ,
ᱡᱟ.ᱛᱤ ᱥᱟᱣᱸᱛᱟ ᱫᱷᱚᱨᱚᱢ
ᱢᱩᱪᱟ.ᱫᱚᱜ ᱠᱟᱱ ᱱᱟᱥᱮ ᱩᱭᱦᱟ.ᱨ ᱢᱮ ।
ᱞᱟᱦᱟ ᱟᱠᱟᱱᱟᱵᱚᱱ
ᱮᱴᱟᱜ ᱜᱟᱛᱟᱠ ᱰᱟᱦᱟᱨ ᱛᱮ
ᱛᱟᱲᱟᱢ ᱦᱚᱨ ᱨᱮ,
ᱮᱲᱮᱜ ᱠᱟᱱᱟᱢ ᱡᱩᱣᱟ.ᱱ
ᱟ.ᱲᱡᱷᱟ.ᱣ ᱠᱟᱱᱟᱢ
ᱮᱱᱮᱡ ᱵᱚᱝᱜᱟ ᱵᱩᱨᱩ ᱨᱮ ।
ᱮᱲᱮ ᱞᱮᱱᱟᱭ ᱵᱟᱵᱟ ᱛᱤᱞᱠᱟ.
ᱞᱚᱵᱞᱟᱞᱚᱪ ᱢᱟ.ᱱᱢᱤ ᱩᱭᱦᱟᱨ.ᱨ ᱛᱮ,
ᱦᱤᱨᱤᱡ ᱯᱟ.ᱥᱤᱛ ᱦᱤᱴᱟ.ᱝ ᱡᱷᱟᱲᱟᱝ
ᱢᱮᱱᱟᱜ ᱵᱚ ᱡᱩᱢᱤᱫ ᱵᱟᱝ ᱛᱮ।
ᱩᱭᱦᱟᱨ.ᱨ ᱦᱟ.ᱡᱩᱜᱼᱟ “ᱜᱩᱱᱰᱩᱨᱤᱭᱟ.”
ᱱᱟᱜᱟᱢ ᱢᱩᱠᱨᱩᱲ ᱡᱩᱢᱤᱫ ᱠᱮᱴᱮᱡ,
ᱚᱠᱟᱭᱮᱱᱟ ᱚᱱᱟ ᱤᱛᱟ. ᱫᱳᱲᱦᱚ
ᱵᱟᱝ ᱧᱮᱸᱞᱚᱜ ᱠᱟᱱ ᱚᱱᱟ ᱨᱮᱱᱟᱜ ᱯᱮᱴᱮᱡ?
ᱡᱚᱜᱟᱣ ᱟᱵᱚᱱ ᱡᱚᱛᱚᱱ ᱟᱵᱚᱱ
ᱮᱨᱨ ᱚᱢᱚᱱ ᱥᱩᱞᱩᱠ ᱯᱚᱦᱟ ᱫᱟᱨᱮ,
ᱱᱤᱨᱟ.ᱭ ᱢᱚᱱᱮᱨᱮ
ᱥᱚᱨᱮᱥ ᱥᱚᱱᱚᱨ ᱥᱟᱣᱸᱛᱟᱨᱮ
ᱟᱨᱡᱟᱣ ᱟᱵᱚᱱ ᱚᱱᱟ ᱫᱟᱲᱮ।
ᱧᱤᱸᱨ ᱞᱮᱱᱟᱠᱟ ᱯᱩᱸᱰ ᱥᱟᱦᱮᱵ ᱥᱚᱨᱠᱟᱨ
‘ᱦᱩᱞ’ ᱥᱮᱸᱜᱮᱞ ᱵᱚᱛᱚᱨ ᱛᱮ,
ᱥᱤᱫᱚᱼᱠᱟ.ᱱᱦᱩ ᱯᱷᱩᱞᱚ ᱡᱷᱟᱱᱚᱣᱟᱜ
ᱥᱩᱛᱩᱜ ᱰᱟᱦᱟᱨ ᱟ.ᱭᱩᱨ ᱛᱮ।
ᱡᱩᱣᱟ.ᱱ ᱵᱮᱲᱟᱨᱮ ᱟ.ᱜᱩᱣᱟ.ᱱ ᱩᱛᱤᱡ
ᱡᱩᱢᱤᱫ ᱥᱟᱣᱸᱨᱮ ᱫᱚᱦᱚᱭ ᱢᱮ,
ᱥᱟᱣᱸᱛᱟ ᱟ.ᱨᱤ ᱟ.ᱠᱤᱞ ᱵᱮᱲᱟᱨᱮ
ᱥᱤᱠᱤᱛ ᱥᱮᱭᱟᱱ ᱥᱩᱥᱟ.ᱨ ᱥᱚᱨᱮᱥ ᱫᱚᱦᱚᱭ ᱢᱮ ।
ᱜᱟᱯᱟ ᱞᱟ.ᱷᱤᱱ ᱫᱚᱲᱦᱚ ᱵᱮᱱᱟᱣ ᱫᱚᱦᱚᱭ ᱢᱮ
ᱟᱞᱚᱢ ᱠᱚᱭᱚᱜ ᱮᱴᱟᱜ ᱥᱮᱫ,
ᱛᱮᱦᱮᱸᱡ ᱠᱚ ᱡᱩᱣᱟ.ᱱ ᱜᱮ
ᱦᱟ.ᱡᱩᱜᱠᱟᱱ ᱫᱤᱱ ᱨᱤᱱ ᱢᱟᱲᱟᱝ ᱥᱮᱫ।